Ալիևը վստահեցնում է՝ պատրաստ է հնարավորինս շուտ կնքել խաղաղության պայմանագիրը
20-10-2023 13:48:38 | Հայաստան | Ի՞նչ է գրում մամուլը
Ազատություն. Իլհամ Ալիևը վերահաստատել է Հայաստանի հետ հարաբերությունները կարգավորելու, բանակցությունները շարունակելու և հնարավորինս շուտ խաղաղության պայմանագիր կնքելու պատրաստակամությունը: Այդ մասին Ադրբեջանի նախագահը հայտարարել է ԱՄՆ պետքարտուղարի օգնականի տեղակալ Ջոշուա Հեքի հետ հանդիպմանը:
Ադրբեջանի նախագահի աշխատակազմի մամուլի ծառայության փոխանցմամբ՝ Բաքվում այսօր կայացած հանդիպման ընթացքում կողմերը քննարկել են տարածաշրջանում խաղաղության և կայունության ապահովման հարցերը, մտքեր են փոխանակել Հայաստանի և Ադրբեջանի միջև հարաբերությունների կարգավորման գործընթացի շուրջ։
Հաղորդվում է, որ Ջոշուա Հեքն այս ամիս տարածաշրջանային այցի շրջանակում կլինի նաև Թուրքիայում, Հայաստանում և Վրաստանում։