ԵՄ արտաքին հարաբերությունների խորհուրդը կքննարկի իրավիճակն Ադրբեջանում և Հայաստանում. Բորել
13-11-2023 14:15:57 | Հայաստան | Ի՞նչ է գրում մամուլը
1lurer. Այսօր Բրյուսելում տեղի կունենա արտաքին գործերի խորհրդի նիստ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի նախագահությամբ:
Խորհրդի նիստին մասնակցելու են ԵՄ երկրների արտաքին քաղաքական գերատեսչությունների ղեկավարները։
«Այսօր մենք կենտրոնանալու ենք երեք հարցի վրա՝ Ուկրաինա, իրավիճակը Գազայում, Ադրբեջանում և Հայաստանում»,- ասել է Բորելը։
ԵՄ դիվանագիտության ղեկավարի խոսքով՝ նախարարները կքննարկեն Լեռնային Ղարաբաղի շուրջ ստեղծված իրավիճակը, մասնավորապես, Հայաստանի և Ադրբեջանի միջև խաղաղ բանակցությունները, ինչպես նաև ԵՄ աջակցությունը Երևանին։
Բորելն ասել է, որ Եվրամիությունը կարող է ընդլայնել իր դիտորդական առաքելությունը Հայաստանում՝ ի պատասխան «Ադրբեջանի կողմից հանրապետության ինքնիշխանության ու տարածքային ամբողջականության սպառնալիքներին»։
Բացի այդ, ԵՄ ներկայացուցչի խոսքով՝ համայնքը քննարկում է, թե ինչպես աջակցել Հայաստանին իր կայունության ամրապնդման հարցում, այդ թվում՝ անվտանգության ոլորտում։
ՀԱՅԵՐԵՆ
Русский
English
Դաս. հայերեն
French
