Ադրբեջանն ի գիտություն է ընդունել Արդարադատության միջազգային դատարանի որոշումը՝ «Հայաստանն ընդդեմ Ադրբեջանի» գործով
18-11-2023 13:12:22 | Հայաստան | Ի՞նչ է գրում մամուլը
Հայկական ժամանակ. ՄԱԿ-ի Արդարադատության միջազգային դատարանը երեկ՝ նոյեմբերի 17-ին, բավարարել էր միջանկյալ միջոց կիրառելու Հայաստանի 5-րդ հայցն ընդդեմ Ադրբեջանի:
Ադրբեջանի արտգործնախարարությունը հաղորդագրություն է տարածել այն մասին, որ Ադրբեջանն ի գիտություն է ընդունել Արդարադատության միջազգային դատարանի որոշումը և ողջունոմ այն:
Միջազգային բոլոր դատարանների որևէ որոշում երբևէ չկատարած Ադրբեջանը հայտարարել է, թե առանց որոշումնեի էլ վաղուց նման քաղաքականություն են վարում և հավատարիմ են բոլոր բնակիչների անվտանգության ապահովմանը` անկախ ազգային կամ էթնիկ ծագումից:
ԼԵռնային Ղարաբաղումարյունալի ջարդեր իրականացրած, սեփական հողից հայրենազրկած երկրի արտաքին քաղաքական գերատեսչությունը ցինիկաբար հայտարարել է, թե հայ բնակիչներին չի վտարել Ղարաբաղից։
«Ադրբեջանը լրջորեն է վերաբերվում իր պարտավորություններին և հանձնառու է կատարել դրանք՝ կենտրոնանալով խաղաղ և բարգավաճ տարածաշրջան կառուցելու վրա»,- ասված է հաղորդագրության մեջ: