ՀԱՅԴԵԼԲԵՐԳ, 17 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Անվտանգության հետ կապված իրավիճակը աշխարհում 2008 թվականին բարդացել է: Այս մասին, ինչպես հաղորդում է ԻՏԱՌ-ՏԱՍՍ-ը, հայտարարել են հարավգերմանական Հայդելբերգ քաղաքում գտնվող Հակամարտությունների ուսումնասիրության միջազգային ինստիտուտի փորձագետները: «Հակամարտությունների բարոմետր-2008» ամենամյա զեկույցի համաձայն, անցնող տարվա ընթացքում մոլորակի վրա գրանցվել են տասը պատերազմ ու զինված հակամարտություն` երեք անգամ ավելի շատ, քան 2007 թ.: Խաղաղության եւ զինված հակամարտությունների խնդիրների հայդելբերգցի հետազոտողները որոշակի հույսեր են կապում Բարաք Օբամայի ԱՄՆ-ի նախագահ ընտրվելու հետ:

---