Ալիևն ու Պուտինը քննարկել են հայ-ադրբեջանական հարաբերությունները
23-04-2024 16:00:39 | Հայաստան | Ի՞նչ է գրում մամուլը
Իրավաբան.net. Ապրիլի 22-ին Ադրբեջանի նախագահ Իլհամ Ալիևն աշխատանքային այց է կատարել Ռուսաստան: Ադրբեջանի նախագահի օգնական Հիքմեթ Հաջիևը անդրադարձել է հանդիպման օրակարգին և այդ համատեքստում հայ-ադրբեջանական հարաբերություններին․
«Հանդիպման ընթացքում քննարկվել է «Հյուսիս-Հարավ» միջազգային տրանսպորտային միջանցքը, պետությունների ղեկավարները հանձնարարականներ են տվել կառավարությունների ներկայացուցիչներին՝ անհրաժեշտ քայլեր ձեռնարկել այդ նախագծի իրականացման ուղղությամբ:
Նախագահ Ալիևը նշել է, որ Ադրբեջանը և Ռուսաստանը կապող երկաթգիծ կա, սակայն 15 միլիոն տոննա բեռների ակնկալվող ծավալի տեղափոխման համար գոյություն ունեցող ենթակառուցվածքը պետք է համապատասխանաբար ընդլայնվի:
Երկու երկրների ղեկավարները քննարկել են նաև Ադրբեջանի և Հայաստանի միջև խաղաղության պայմանագրի շուրջ բանակցությունները: Նախագահ Իլհամ Ալիևը բարձր է գնահատել այս ոլորտում Ռուսաստանի դերն ու ջանքերը», – նշել է Հաջիևը։
ՀԱՅԵՐԵՆ
Русский
English
Դաս. հայերեն
French
