ԵՐԵՎԱՆ, 4 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ Վճռաբեկ դատարանը հոկտեմբերի 31-ի նիստում որոշում է ընդունել բեկանել Շիրակի մարզի Ընդհանուր իրավասության դատարանի այն վճիռը, որով վերջինս բավարարել էր Գյումրու քաղաքապետարանի հայցն ընդդեմ Գյումրու ԳԱԼԱ ՀԸ հեռուստաընկերության հիմնադիր «ՉԱՊ» ՍՊԸ-ի` հեռուստաընկերության հեռարձակող անտենան Գյումրու քաղաքապետարանին պատկանող քաղաքային հին հեռուստաաշտարակից հանելու մասին: Ընդհանուր իրավասության դատարանի այդ վճիռը «ՉԱՊ» ՍՊԸ ներկայացուցիչ, փաստաբան Կարեն Թումանյանը բողոքարկել էր Վերաքննիչ դատարանին, որը այդ որոշումը թողել էր ուժի մեջ:

---