Հայաստանը կարող է ցանկացած պահի վերադառնալ կազմակերպության աշխատանքներին. ՀԱՊԿ գլխավոր քարտուղար
04-12-2024 14:59:41 | Հայաստան | Ի՞նչ է գրում մամուլը
Հայկական ժամանակ. ՀԱՊԿ հարթակի շուրջ քննարկումներին Հայաստանի չմասնակցելը չի ազդում կազմակերպության աշխատանքի արդյունավետության վրա:
Այս մասին ասել է կազմակերպության գլխավոր քարտուղար Իմանգալի Թասմագամբետովը։
«Հայաստանի չմասնակցելը մեր կազմակերպությունում ընթացող բոլոր հարցերի քննարկմանը չի ազդում մեր աշխատանքի արդյունավետության վրա, սակայն մենք ելնում ենք նրանից, որ Հայաստանի Հանրապետությունը մեր դաշնակիցն է, և մեր բոլոր պարտավորությունները Հայաստանի նկատմամբ պահպանվում են»,- ասել է Տասմագամբետովը «Россия Сегодня» մեդիա խմբի միջազգային մուլտիմեդիա մամուլի կենտրոնում կայացած մամուլի ասուլիսում։
Նա ընդգծել է, որ Հայաստանը կարող է ցանկացած պահի վերադառնալ կազմակերպության աշխատանքներին, չկան առարկություններ կամ խոչընդոտներ ՀԱՊԿ անդամներից:
Նոյեմբերի 28-ին Ղազախստանում կայացել է ՀԱՊԿ Հավաքական անվտանգության խորհրդի նիստը, որին Հայաստանը չի մասնակցել:
ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ հայտարարել էր, որ Հայաստանը դեռևս մնում է կազմակերպության լիիրավ անդամ և իրեն վերապահում է բոլոր իրավունքներն ու պարտականությունները։
Հիշեցնենք՝ 2024 թվականի փետրվարին Հայաստանի վարչապետ Նիկոլ Փաշինյանը հայտարարել էր, որ հանրապետությունը սառեցրել է իր մասնակցությունը ՀԱՊԿ-ին։ Հայաստանը դադարեցրել է իր ներդրումը կազմակերպության բյուջեում և ներկայացուցիչներ չի ուղարկում կազմակերպության միջոցառումներին և վարժանքներին։
ՀԱՅԵՐԵՆ
Русский
English
Դաս. հայերեն
French
