19-12-2024 12:30:14 | Հայաստան | Ի՞նչ է գրում մամուլը
Հայկական ժամանակ. Վարչապետ Նիկոլ Փաշինյանը Կառավարության նիստում հայտարարեց, որ ուժի մեջ է մնում ծառայողական մեքենաները կրճատելու որոշումը, և այն համայնքապետերը, որոնք չգնան այդ ճանապարհով, իրենց համայնքներում սուբվենցիոն ծրագրերի սահմանափակումներ կլինեն։
«Ուղերձները պետք է հստակ տալ, մասնավորապես ծառայողական ավտոմեքենաների գծով այն որոշումը, որ մենք կայացրել ենք, շարունակում է մնալ ուժի մեջ։ Եվ սկզբունքը, որ ես առաջադրել եմ, բոլոր համայնքներում պետք է կիրառվի առանց բացառության: Իհարկե, այն համայնքները, որտեղ չեն ուզենա այդ սկզբունքը կիրառել, համապատասխան հետևանքներ կլինեն, այսինքն՝ ծրագրերի և այլ ծրագրերի սահմանափակումներ կլինեն: Այդ պարագայում թող համայնքների ղեկավարները իրենց համայնքների բնակիչների հետ պարզաբանեն հարցը՝ ո՞րն է ավելի մեծ և կարևոր առաջնահերթություն:
Ես հույս ունեմ և համոզված եմ, որ առնվազն համայնքների ղեկավարների մեծամասնությունը ճիշտ ճանապարհով կգնա, և շնորհակալ կլինեմ դրա համար»,- ասաց վարչապետը:
ՀԱՅԵՐԵՆ
Русский
English
Դաս. հայերեն
French
