ԼՈՍ ԱՆՋԵԼԵՍԻ «ՍՈՒՐԲ ԾՆՈՒՆԴ» ՀԻՄՆԱԴՐԱՄԻ ՖԻՆԱՆՍԱԿԱՆ
ԱՋԱԿՑՈՒԹՅԱՄԲ ՀԻՄՆԱՆՈՐՈԳՄԱՆ ԱՇԽԱՏԱՆՔՆԵՐ ԵՆ ԻՐԱԿԱՆԱՑՎԵԼ ՆՈՐ
ԽԱՐԲԵՐԴԻ ՄԱՆԿԱՏԱՆԸ
26-08-2008 22:30:00 | Հայաստան | Հասարակություն
ԵՐԵՎԱՆ, 26 ՕԳՈՍՏՈՍԻ, ՆՈՅՅԱՆ ՏԱՊԱՆ: Լոս Անջելեսի ծնողազուրկ
եւ հաշմանդամ երեխաների «Սուրբ Ծնունդ» բարեգործական հիմնադրամի
ֆինանսական աջակցությամբ հիմնորոգման աշխատանքներ են իրականացվել
Երեւանի Նոր Խարբերդի մասնագիտացված մանկատանը: Ինչպես «ՆՈՅՅԱՆ
ՏԱՊԱՆ»-ի թղթակցին հայտնեց Երեւանի Ֆիլհարմոնիկ կենտրոնի նախագահ
Լաերտ Մովսիսյանը, վերանորոգվել են մանկատան
խմբասենյակ-ննջասենյակները, սանհանգույցները, պատշգամբները,
միջանցքները:
Նա նշեց, որ բարեգործական հիմնադրամի նախագահ Հովհաննես
Բալայանի նախաձեռնությամբ ամեն տարի Լոս Անջելեսում անցկացվում է
բարեգործական մարաթոն: Այս տարի այն տեղի կունենա նոյեմբերի 2-ին,
իսկ հանգանակված ամբողջ գումարը կհատկացվի Հայաստանի մանկատներին: