Ավագ Շաբաթվա հիմնական արարողություններն սկսվում են մարտի
31-ին` Ավագ Հինգշաբթի
31-03-2010 19:30:00 | Հայաստան | Հասարակություն
ԵՐԵՎԱՆ, 31 ՄԱՐՏԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Այս տարի մարտի
29-ից սկսվել է Ավագ Շաբաթը: Քրիստոսի հրաշափառ Հարության տոնին`
Սբ.Զատկին նախորդող շաբաթն է, որի յուրաքանչյուր օրը խորհրդանշում
է Քրիստոսի երկրային կյանքի վերջին շաբաթվա ընթացքում տեղի ունեցած
առանձին դեպքերը: Հիշատակվում են Քրիստոսի վերջին պատգամները,
չարչարանքները, մահը եւ Հարությունը: Ավագ Շաբաթվա հիմնական
արարողություններն սկսվում են Ավագ Հինգշաբթի:
Ինչպես տեղեկացրեցին Արարատյան Հայրապետական թեմի Մամլո
դիվանից, Ավագ Հինգշաբթի` ապրիլի 1-ին, ժ. 16.30-ին, բոլոր
եկեղեցիներում կկատարվի Ոտնլվայի արարողություն: Առաջնորդանիստ Ս.
Սարգիս եկեղեցում այն կկատարի Արարատյան Հայրապետական թեմի
առաջնորդական փոխանորդ Տեր Նավասարդ արքեպիսկոպոս Կճոյանը:
16.30-ին, բոլոր եկեղեցիներում կկատարվի Ոտնլվայի արարողություն:
Առաջնորդանիստ Ս. Սարգիս եկեղեցում այն կկատարի Արարատյան
Հայրապետական թեմի առաջնորդական փոխանորդ Տեր Նավասարդ
արքեպիսկոպոս Կճոյանը: Նրա ձեռամբ ծնկաչոք 12 մանուկների ոտքեր
կլվացվեն, ինչը խորհրդանշում է Հիսուսի Վերջին Ընթրիքից առաջ Իր
աշակերտների ոտքերի լվացումը` ճշմարիտ հեզության ու խոնարհության
օրինակ: Ոտնլվայի ավարտին կօրհնվի յուղ, որը կբաժանվի եկեղեցում
ներկա մարդկանց: Ավագ հինգշաբթի երեկոյան կատարվում է Խավարման
կարգ, որը վերաբերում է Ավագ Ուրբաթին` խորհրդանշելով Տիրոջ
խաչելությունն ու թաղումը: Արարողության ընթացքում ավետարանական
ընթերցումները հիշեցնում են Հիսուսի աղոթքը Գեթսեմանի պարտեզում,
Հիսուսի մատնությունը, Նրա անարգվելը, Պետրոսի ուրանալը: