ԱՄՆ ավտոարտադրողները կսկսեն զենք արտադրել, այդ թվում՝ Tomahawk և Patriot. Թրամփ
23-06-2026 11:55:29 | Հայաստան | Ի՞նչ է գրում մամուլը
Sputnik. Դոնալդ Թրամփը հայտարարել է, որ ԱՄՆ իշխանությունը զենքի արտադրության լայնածավալ տնտեսական արշավ է սկսում։
Ամերիկյան ավտոարտադրողները կսկսեն զենք արտադրել, այդ թվում՝ Tomahawk թևավոր հրթիռներ և Patriot ՀՕՊ համակարգեր։
Այս մասին Սպիտակ տանը լրագրողների հետ զրույցում հայտարարել է ԱՄՆ նախագահ Դոնալդ Թրամփը։
«Նրանք (ավտոարտադրող ընկերությունները – խմբ.) ծրագրեր ունեն գործարանների ուղղվածությունը փոխելու վերաբերյալ։
Մենք պատրաստվում ենք արտադրել զենք, այդ թվում՝ Patriot, Tomahawk և շատ այլ բաներ», – ասել է Սպիտակ տան ղեկավարը։
ԱՄՆ առաջնորդի խոսքով՝ ԱՄՆ իշխանությունը զենքի արտադրության լայնածավալ տնտեսական արշավ է սկսում, ուստի ազատ հզորություններ ունեցող ավտոարտադրողները պայմանագրեր են կնքում հրթիռներ արտադրելու համար։
Թրամփը հավելել է, որ զենքի արտադրությամբ մասնավորապես հետաքրքրված է «General Motors»-ը։
ՀԱՅԵՐԵՆ
Русский
English
Արեւմտահայերեն
French
