Նյու Յորքի Շուշի պարախումբը համերգներով հանդես է գալու
Միջին Արեւելքում
14-02-2010 18:21:00 | ԱՄՆ | Մշակույթ
ՆՅՈՒ ՅՈՐՔ, 12 ԱՊՐԻԼԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Նյու Յորքի
«Շուշի» պարախմբի 45 անդամներն իրենց հարազատների հետ հուլիսին
այցելելու են Ամման, Սիրիա եւ Լիբանան,- հաղորդում է «Մարմարան»:
Խմբի ղեկավարը եւ պարուսույցը Սեդա Փասքափյան-Քանթարճյանն է, որը
նաեւ «Շուշիի» հիմնադիրն է:
Հաղորդագրությունից տեղեկանում ենք, որ Միջին Արեւելքում
պարախմբին միանալու են Լոս Անջելեսի հայտնի երգիչներ Հովիկ
Գրիգորյանը, Արմեն Հովհաննիսյանը, Սալբի Մայիլյանը եւ երաժշտական
ղեկավար Անդրանիկ Մուրադյանը:
Առաջին համերգը տեղի է ունենալու Ամմանի Էլ Հյուսեին
կենտրոնում, Էլ-Վաթան ակումբում: Այնուհետեւ` հուլիսի 8-ին
դամասկոսի Օպերային թատրոնում, հուլիսի 10-ին Հալեպի բերդում եւ
հուլիսի 16-ին Բեյրութի «Էմիլ Լահուդ» համալիրում: Վերջին երեք
ելույթները կազմակերպվելու են Բարեգործական-Հայ Երիտասարդական
ընկերությունների տեղական վարչության նախաձեռնությամբ: