Կաշառք ստանալու պահին այսօր ձերբակալվել է Երեւանի քաղաքապետարանի աշխատակազմի ճարտարապետության ու քաղաքաշինության վարչության բաժնի պետի ժամանակավոր պաշտոնակատար Արթուր Ստեփանոսյանը: Հայաստանի Ազգային անվտանգության ծառայության մամուլի կենտրոնից հայտնում են, որ վերջինս Երեւանի բնակչի տանը կից ապօրինի զբաղեցրած տարածքը օրինականացնելու համար պահանջել եւ ստացել է նրանից 1000 ԱՄՆ դոլար գումար: Փաստի առթիվ հարուցված քրեական գործի նախաքննությունը կատարում է ծառայության Քննչական վարչությունը:

---