ՄՈՍԿՎԱ, 6 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ռուսաստանի նախագահ Դմիտրի Մեդվեդեւի եւ ԱՄՆ-ի նախագահական ընտրություններում հաղթանակ տարած Բարաք Օբամայի հանդիպում կարող է կայանալ նոյեմբերի 15-ին Վաշինգտոնում ֆինանսական գագաթնաժողովի ժամանակ: Այս մասին, ինչպես հաղորդում է ԻՏԱՌ-ՏԱՍՍ-ը, հայտարարել է ՌԴ արտաքին գործերի նախարար Սերգեյ Լավրովը: «Հույս ունենք, որ Վաշինգտոնում ֆինանսական «քսանյակի» գագաթնաժողովի ընթացքում տեղի կունենա Ռուսաստանի նախագահ Դմիտրի Մեդվեդեւի շփում ԱՄՆ-ի նորընտիր նախագահ Բարաք Օբամայի հետ»,- ասել է Լավրովը` ավելացնելով, որ ռուսական կողմը միշտ պատրաստ է փոխշահավետ, ազնիվ եւ պատասխանատու երկխոսության համար»:

---