ՆԻԿՈՍԻԱ, 3 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Այսօր Կիպրոսի հունական եւ թուրքական հատվածների առաջնորդներ Դիմիտրիս Խրիստոֆիասը եւ Մեհմետ Ալի Թալաթը ուղիղ բանակցություններ են սկսել կիպրական կարգավորման ուղղությամբ: Քաղաքական գործիչների հանդիպումը տեղի է ունենում Նիկոսիայում` կղզում ՄԱԿ-ի առաքելության ղեկավարի նստավայրում: Բանակցությունների խնդիրն է կիպրական հարցի փոխընդունելի լուծում գտնել, որը կերաշխավորի կիպրահույների եւ կիպրաթուրքերի շահերի պաշտպանությունը: Ուղիղ երկխոսությունը վերականգնելու կիպրական հատվածների ղեկավարների որոշումը վերջ դրեց փակուղային այն իրադրությանը, որ ստեղծվել էր 2004 թվականի գարնանը, երբ կղզում խաղաղ կարգավորման ՄԱԿ-ի ծրագիրը հանրաքվեով չպաշտպանեց կիպրահունական կողմը:

---