ՀՀ ԱՐՏԱՔԻՆ ՊԵՏԱԿԱՆ ՊԱՐՏՔԸ ՄԵԿ ՏԱՐՈՒՄ 26,9%-ՈՎ ԱՃԵԼ Է
04-06-2008 20:00:00 | Հայաստան | Տնտեսություն
ԵՐԵՎԱՆ, 4 ՀՈՒՆԻՍԻ, ՆՈՅՅԱՆ ՏԱՊԱՆ: ՀՀ պետական պարտքը (ներքին
եւ արտաքին) 2008թ.-ի առաջին եռամսյակի վերջի դրությամբ կազմել է
553 մլրդ 125 մլն դրամ: Ներքին պարտքը կազմել է 76 մլրդ 389 մլն
դրամ` 2007թ.-ի վերջի 66 մլրդ 303,2 մլն դրամի եւ 2007թ. առաջին
եռամսյակի վերջի 55 մլրդ 607,9 մլն դրամի փոխարեն: Արտաքին պարտքը
կազմել է 476 մլրդ 736 մլն դրամ կամ 1 մլրդ 551 մլն 623 հազ. ԱՄՆ
դոլար` 2007թ.-ի առաջին եռամսյակի վերջի 1 մլրդ 222,7 մլն դոլարի
դիմաց:
ՀՀ Ազգային վիճակագրական ծառայության տվյալներով, 2008թ.-ի
առաջին եռամսյակի վերջին ՀՀ ներքին պետական պարտքը ամբողջությամբ
կազմվել է պետական արժեթղթերի գծով պարտավորություններից, որտեղ
պետական կարճաժամկետ պարտատոմսերի գծով պարտքը կազմել է 7 մլրդ
դրամ (նախորդ տարվա վերջի 4 մլրդ 511,5 մլն դրամի փոխարեն), միջին
ժամկետայնության մասնակի մարումներով արժեկտրոնային պարտատոմսերի
գծով` 47 մլրդ 421,2 մլն դրամ (նախորդ տարվա վերջին` 38 մլրդ 652,1
մլն դրամ), երկարաժամկետ արժեկտրոնային պարտատոմսերի գծով` 11 մլրդ
710,6 մլն դրամ (նախորդ տարվա վերջին` 12 մլրդ 294 մլն դրամ), իսկ
խանայողական պարտատոմսերի գծով` 171,4 մլն դրամ (նախորդ տարվա
վերջին` 150,3 մլն դրամ):
ՀՀ արտաքին պետական պարտքը 2007թ.-ի առաջին եռամսյակի վերջին
համեմատ աճել է 26,9%-ով (2007թ.-ի առաջին եռամսյակի վերջին այն
կազմել էր 1 մլրդ 222,7 մլն դոլար): ՀՀ կառավարության պարտքը
կազմել է 1 մլրդ 374 մլն 141 հազ. դոլար (2007թ.-ի առաջին
եռամսյակի վերջին եղել է 1 մլրդ 56 մլն 517 հազ. դոլար, աճը`
30,1%), ՀՀ Կենտրոնական բանկի պարտքը կազմել է 172 մլն 821 հազ.
դոլար (2007թ.-ի առաջին եռամսյակի վերջին եղել է 162 մլն 116 հազար
դոլար, աճը` 6,6%), իսկ հատուկ ծրագրերի գծով պարտքերը կազմել են 4
մլն 661 հազ. դոլար (2007թ.-ի առաջին եռամսյակի վերջին եղել է 4
մլն 67 հազ. դոլար, աճը` 14,6%):