2008 Թ.-Ի ՄԱՅԻՍԻՆ ՆԱԽՈՐԴ ՏԱՐՎԱ ԴԵԿՏԵՄԲԵՐԻ ՀԱՄԵՄԱՏ ԱՄՆ
ԴՈԼԱՐԻ ՆԿԱՏՄԱՄԲ ՀԱՅԿԱԿԱՆ ԴՐԱՄԻ ՓՈԽԱՐԺԵՔԸ 1,1%-ՈՎ ԱՃԵԼ Է
02-06-2008 19:00:00 | Հայաստան | Տնտեսություն
ԵՐԵՎԱՆ, 2 ՀՈՒՆԻՍԻ, ՆՈՅՅԱՆ ՏԱՊԱՆ: 2008թ. մայիսին 2007թ.
դեկտեմբերի համեմատ սպառողական գների եւ ԱՄՆ դոլարի նկատմամբ
հայկական դրամի հաշվարկային փոխարժեքի հավելաճը կազմել է,
համապատասխանաբար, 7,4% եւ 1,1%: Նախորդ տարվա նույն
ժամանակահատվածում սպառողական գների 4,2% հավելաճին զուգընթաց
հանրապետությունում գրանցվել է հաշվարկային փոխարժեքի 3% նվազում:
ՀՀ Ազգային վիճակագրական ծառայության տվյալներով, 2008թ.
մայիսին ապրիլի համեմատ հանրապետության սպառողական շուկայում
արձանագրված 1,3% գնաճն ուղեկցվել է ԱՄՆ դոլարի նկատմամբ հայկական
դրամի հաշվարկային փոխարժեքի 0,5% նվազումով (ՀՀ դրամն արժեվորվել
է):
2008թ. մայիսին ԱՄՆ դոլարի նկատմամբ հայկական դրամի միջին
հաշվարկային փոխարժեքը կազմել է 307,56 դրամ, ինչը 13,1%-ով ցածր է
նախորդ տարվա մայիսի համապատասխան ցուցանիշից (353,77 դրամ):