2008 Թ.-Ի ՄԱՅԻՍԻՆ ՀԱՅԱՍՏԱՆՈՒՄ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԸ
2%-ՈՎ ԱՃԵԼ ԵՆ
02-06-2008 19:00:00 | Հայաստան | Տնտեսություն
ԵՐԵՎԱՆ, 2 ՀՈՒՆԻՍԻ, ՆՈՅՅԱՆ ՏԱՊԱՆ: 2008թ. մայիսին ապրիլի
համեմատ Հայաստանի ծառայությունների ոլորտում գրանցված սակագների
2% հավելաճին մեծապես նպաստել է բնակարանային, կոմունալ
ծառայությունների սակագների 7,7% հավելաճը` կապված խողովակաշարով
բնակչությանը գազային վառելիքի վաճառքի սակագների 42,4% թանկացման
հետ:
ՀՀ Ազգային վիճակագրական ծառայության տվյալներով, տրանսպորտի,
բուժսպասարկման, իրավական ու բանկային, կենցաղային, հանրային սննդի
ծառայությունների սակագները նշված ժամանակահատվածում աճել են
0,2-2%-ով: Միաժամանակ, հանրապետությունում գրանցվել է մշակույթի
ոլորտի եւ կապի ծառայությունների սակագների, համապատասխանաբար,
0,6% եւ 0,4% նվազում, իսկ կրթական եւ հանգստի կազմակերպման
ծառայությունների սակագները նախորդ ամսվա համեմատ մնացել են
անփոփոխ: