2008 Թ.-Ի ՀՈՒՆՎԱՐ_ՄԱՐՏԻՆ ՀՀ ԳՅՈՒՂԱՏՆՏԵՍՈՒԹՅԱՆ ՀԱՄԱԽԱՌՆ
ԱՐՏԱԴՐԱՆՔԸ ՆԱԽՈՐԴ ՏԱՐՎԱ ՆՈՒՅՆ ԺԱՄԱՆԱԿԱՀԱՏՎԱԾԻ ՀԱՄԵՄԱՏ 0,5%-ՈՎ
ԱՃԵԼ Է
23-05-2008 17:30:00 | Հայաստան | Տնտեսություն
ԵՐԵՎԱՆ, 23 ՄԱՅԻՍԻ, ՆՈՅՅԱՆ ՏԱՊԱՆ: ՀՀ գյուղատնտեսության
համախառն արտադրանքը 2008թ. հունվար-մարտին, ընթացիկ գներով,
կազմել է 44,8 մլրդ դրամ (մոտ 120 մլն ԱՄՆ դոլար) եւ 0.5%-ով
գերազանցել 2007թ. նույն ժամանակաշրջանի մակարդակը:
Բուսաբուծության համախառն արտադրանքը նշված ժամանակահատվածում
կազմել է 5533,4 մլն դրամ, ինչը 4,9%-ով ավելի է 2007թ. նույն
ժամանակաշրջանի ցուցանիշից, իսկ անասնաբուծության համախառն
արտադրանքը կազմել է 39266,4 մլն դրամ (նվազել` 0,1%-ով):
ՀՀ Ազգային վիճակագրական ծառայության տվյալներով,
հունվար-մարտին, հանրապետությունում իրականացվել է 524,7 մլն դրամի
ձկան որս, ինչը 2007թ. նույն ամսվա ցուցանիշից 20,2%-ով պակաս է: