ՑԱՆԿԱՑԱԾ ԲՆԱԳԱՎԱՌՈՒՄ ԷՆԵՐԳԱԱՐԴՅՈՒՆԱՎԵՏՈՒԹՅԱՆ ՌԵԺԻՄԻ
ԿԻՐԱՌՈՒՄԸ ԱՎԵԼԻ ՔԱՆ ՀՐԱՏԱՊ Է,- ԿԱՐԾՈՒՄ Է «ԱՐԴՇԻՆԻՆՎԵՍՏԲԱՆԿ»-Ի
ՎԱՐՉՈՒԹՅԱՆ ՆԱԽԱԳԱՀԸ
22-05-2008 23:00:00 | Հայաստան | Տնտեսություն
ԵՐԵՎԱՆ, 22 ՄԱՅԻՍԻ, ՆՈՅՅԱՆ ՏԱՊԱՆ: ԱՄՆ Միջազգային զարգացման
գործակալության էներգաարդյունավետության նախագծերի առեւտրայնացման
ծրագիրը «Արշինինվեստբանկ»-ի բանկի հետ մայիսի 22-ին կազմակերպել
էր «Առաջին քայլերը դեպի էներգաարդյունավետության ֆինանսավորում»
թեմայով քննարկում: «Արշինինվեստբանկ»-ի հետ իրականացվելիք
էներգաարդյունավետության նախագծերի առեւտրայնացման ծրագրի նպատակն
է զարգացնել էներգաարդյունավետության ֆինանսավորումը Հայաստանում
նպատակային վարկային ծրագրերի եւ հնարավոր ֆինանսական գործիքների
կիրառման միջոցով:
Ինչպես նշեց բանկի վարչության նախագահ Արամ Անդրեասյանը,
ցանկացած բնագավառում էներգաարդյունավետության ռեժիմի կիրառումը
ավելի քան հրատապ է եւ էներգակիրների գների աճի պայմաններում
էներգիայի անարդյունավետ օգտագործումը շռայլություն կլինի:
Նշվեց, որ քննարկման նպատակն էր բանկի հաճախորդներին, որոնց
թվում են մի շարք խոշոր արդյունաբերական եւ հանրային
ծառայություններ մատուցող ձեռնարկություններ, ներկայացնել
էներաարդյունավետության տեխնոլոգիաների կարեւորությունը, դրանց
բնապահպանական օգուտները: