ՄԱՅԻՍԻ 15-ԻՆ ՍՏԵՓԱՆԱԿԵՐՏՈՒՄ ԿԱՆՑԿԱՑՎԻ ԼՂՀ-Ի ՖԻՆԱՆՍԱԿԱՆ
ԴԻՏԱՐԿՈՒՄՆԵՐԻ ԿԵՆՏՐՈՆԻ ՍՏԵՂԾՄԱՆԸ ՆՎԻՐՎԱԾ ԽՈՐՀՐԴԱԿՑՈՒԹՅՈՒՆ
14-05-2008 19:48:00 | Հայաստան | Տնտեսություն
ԵՐԵՎԱՆ, 14 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 15-ին
Ստեփանակերտում տեղի կունենա ԼՂՀ-ում փողերի լվացման եւ
ահաբեկչության ֆինանսավորման դեմ պայքարի կառույցի` Ֆինանսական
դիտարկումների կենտրոնի (ՖԴԿ), ստեղծմանը նվիրված
խորհրդակցություն: Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ
Կենտրոնական բանկի մամուլի ծառայությունից, խորհրդակցությունը
կանցկացվի ՀՀ ԿԲ-ի կողմից ԼՂՀ-ում փողերի լվացման եւ ահաբեկչության
ֆինանսավորման դեմ պայքարի համակարգի ներդրման հարցում ԼՂՀ
իշխանություններին ցուցաբերվող աջակցության ծրագրի շրջանակներում:
Խորհրդակցության անցկացման կապակցությամբ մայիսի 14-16-ին Լեռնային
Ղարաբաղում է գտնվելու ՀՀ ԿԲ-ի ՖԴԿ-ի պատվիրակությունը:
ՀՀ ԿԲ-ի ՖԴԿ-ի կողմից ԼՂՀ իշխանություններին ցուցաբերած
տեխնիկական օժանդակության արդյունքում 2007թ.-ի դեկտեմբերի 26-ին
ընդունվել է «Փողերի լվացման եւ ահաբեկչության ֆինասնավորման դեմ
պայքարի մասին» ԼՂՀ օրենքը, որն ուժի մեջ է մտել 2008թ.-ի ապրիլի
9-ին: