ՀԱՅԱՍՏԱՆԻ ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՀԱՇՎԵԿՇՌԱՅԻՆ
ԸՆԴՀԱՆՈՒՐ ԿԱՊԻՏԱԼԸ 2008 Թ.-Ի ԱՌԱՋԻՆ ԵՌԱՄՍՅԱԿՈՒՄ 7,9%-ՈՎ ԱՃԵԼ Է
06-05-2008 21:00:00 | Հայաստան | Տնտեսություն
ԵՐԵՎԱՆ, 6 ՄԱՅԻՍԻ, ՆՈՅՅԱՆ ՏԱՊԱՆ: 2008թ.-ի մարտի 31-ի
դրությամբ Հայաստանում գործել են 21 վարկային կազմակերպություններ`
40 մասնաճյուղերով: ՀՀ Կենտրոնական բանկի տվյալներով, դրանց
փաստացի լրացված կանոնադրական հիմնադրամը նշված ժամկետին կազմել է
11 մլրդ 458 մլն 300 հազար դրամ (ավելի քան 37 մլն 295 հազար ԱՄՆ
դոլար) եւ 2008թ.-ի առաջին եռամսյակում աճել 4,8%-ով: Վարկային
կազմակերպությունների հաշվեկշռային ընդհանուր կապիտալը 2008թ.-ի
մարտի 31-ի դրությամբ կազմել է 13 մլրդ 434 մլն 307 հազար դրամ,
ինչը այս տարվա առաջին եռամսյակի ընթացքում աճել է 7,9%-ով:
Հայաստանի վարկային կազմակերպությունների ընդհանուր
պարտավորությունների ծավալը 2008թ.-ի մարտի 31-ի դրությամբ կազմել
է 35 մլրդ 339 մլն 991 հազար դրամ եւ 2008թ.-ի առաջին եռամսյակում
աճել 14,3%-ով. ընդհանուր ակտիվների ցուցանիշները կազմել են,
համապատասխանաբար, 48 մլրդ 774 մլն 298 հազար դրամ եւ 12,5%:
2008թ.-ի մարտի 31-ի դրությամբ վարկային կազմակերպությունների
46 մլրդ 271 մլն 641 հազար դրամ ընդհանուր գումարի վարկերի եւ
դեբիտորական պարտքերի պորտֆելի 97%-ը կազմել են ստանդարտ վարկերը
եւ պարտքերը:
Վարկային կազմակերպությունների կողմից ռեզիդենտներին տրված
վարկերի, ավանդների, ֆակտորինգով եւ լիզինգով տրամադրված
գումարների ընդհանուր ծավալը 2008թ.-ի մարտի 31-ի դրությամբ կազմել
է 44 մլրդ 811 մլն 697 հազար դրամ եւ նշված եռամսյակում աճել
13,2%-ով: Արդյունաբերության ճյուղին տրամադրված գումարը կազմել է
4 մլրդ 610 մլն 900 հազար դրամ եւ եռամսյակում աճել է 1,1%-ով,
գյուղատնտեսության ճյուղի պարագայում տրամադրված 5 մլրդ 292 մլն
911 հազար դրամ գումարը նշված եռամսյակում աճել է 37,9%-ով,
շինարարության ճյուղի պարագայում այդ ցուցանիշները կազմել են,
համապատասխանաբար, 2 մլրդ 806 մլն 102 հազար դրամ եւ 49%,
տրանսպորտի եւ կապի ճյուղի պարագայում, 2 մլրդ 297 մլն 184 հազար
դրամ եւ 45,3%:
Առեւտրի ճյուղին տրամադրված գումարների ծավալը կազմել է 8
մլրդ 446 մլն 601 հազար դրամ, ինչը 2008թ.-ի առաջին եռամսյակում
աճել է 12,9%-ով: Տնտեսության ֆինանսական հատվածին տրամադրվել է 1
մլրդ 368 մլն 917 հազար դրամ գումար, ինչը 2008թ.-ի առաջին
եռամսյակում աճել է 10,6%-ով, տրամադրված սպառողական վարկերի
ծավալը կազմել է 7 մլրդ 210 մլն 875 հազար դրամ, աճը նշված
եռամսյակում` 2,1%: Հիփոթեքային վարկավորման ոլորտում այդ
ցուցանիշները կազմել են 4 մլրդ 928 մլն 883 հազար դրամ եւ 8%, այլ
ճյուղերի պարագայում` 7 մլրդ 849 մլն 324 հազար դրամ եւ 6,4%:
2008թ.-ի առաջին եռամսյակում վարկային կազմակերպությունների
համախառն եկամուտները կազմել են 3 մլրդ 56 մլն 123 հազար դրամ:
դիմաց: Այդ ժամանակահատվածում դրանց համախառն ծախսերը կազմել են 2
մլրդ 337 մլն 917 հազար դրամ, զուտ եւ չբաշխված շահույթները 262
մլն 496 հազար դրամ: