ՄԱՅԻՍԻՆ ՃԱՊՈՆԻԱՅԻՑ ԵՎ ՉԻՆԱՍՏԱՆԻՑ ՀԱՆՐԱՊԵՏՈՒԹՅՈՒՆ ԿՆԵՐԿՐՎԵՆ
ԸՆԴՀԱՆՈՒՐ ԱՌՄԱՄԲ 66 ԿՈՄԲԱՅՆ ԵՎ ՏՐԱԿՏՈՐ
30-04-2008 20:00:00 | Հայաստան | Տնտեսություն
ԵՐԵՎԱՆ, 30 ԱՊՐԻԼԻ, ՆՈՅՅԱՆ ՏԱՊԱՆ: Ճապոնիայի եւ Չինաստանի
կառավարությունների տրամադրած դրամաշնորհային միջոցներով մայիսին
Հայաստան կներկրվեն ընդհանուր առմամբ հացահատիկ եւ եգիպտացորեն
հավաքող 66 կոմբայն եւ տրակտոր: Ինչպես ապրիլի 30-ի ասուլիսում
հայտնեց ՀՀ գյուղատնտեսության փոխնախարար Սամվել Գալստյանը,
հանրապետությունում նման մեխանիզմների բացակայության պատճառով
տարեկան գրանցվել է 12-17% բերքի կորուստ:
Միաժամանակ Ս.Գալստյանը նշեց, որ ՀՀ Գյուղատնտեսության
նախարարության եւ Լեհաստանի կառավարության միջեւ ձեռք բերված
պայմանավորվածության համաձայն ցածր տոկոսադրույքով լիզինգով
հանրապետություն կներկրվեն տարբեր հզորություն ունեցող տրակտորներ:
Նշենք, որ 2004թ.-ից մինչեւ 2008թ.-ի հունվարի 1-ը
հանրապետություն են ներկրվել 519 մեքենա-մեխանիզմներ: