ՎիվաՍել-ՄՏՍ-ը` «ՄՏՍ» ԲԲԸ դուստր ձեռնարկությունը, եւ Կիսահաղորդիչների էլեկտրոնային ավտոմատացված նախագծման, ստուգման եւ արտադրության ոլորտի ծրագրային ապահովման եւ մտավոր սեփականության համաշխարհային առաջատար Սինոփսիս ընկերությունը մարտի 24-ին հայտարարեցին, որ Միկրոէլեկտրոնիկայի հայաստանյան ամենամյա միջազգային վեցերորդ օլիմպիադան կանցկացվի 2011թ. սեպտեմբեր-հոկտեմբեր ամիսներին: Այդ մասին համատեղ մամուլի ասուլիսի ընթացքում հայտարարեցին ՎիվաՍել-ՄՏՍ-ի գլխավոր տնօրեն Ռալֆ Յիրիկյանը եւ Օլիմպիադայի կազմկոմիտեի նախագահ, Սինոփսիս Արմենիայի գլխավոր գործադիր տնօրեն եւ Սինոփսիսի կորպորատիվ մարքեթինգի գծով փոխնախագահ Ռիչ Գոլդմանը Սինոփսիսի կորպորատիվ մարքեթինգի գծով փոխնախագահ եւ Սինոփսիս Արմենիայի գլխավոր գործադիր տնօրեն Ռիչ Գոլդմանը: Օլիմպիադայի նպատակն է խթանել միկրոէլեկտրոնիկայի զարգացումը Հայաստանում եւ մասնակից երկրներում, հայտնաբերել երիտասարդ, տաղանդավոր կադրեր, երիտասարդ մասնագետների շրջանում մեծացնել միկրոէլեկտրոնիկայի հանդեպ հետաքրքրությունը, կրթական ծրագրերում անհրաժեշտ ճշգրտումներ կատարելու նպատակով հասկանալ երիտասարդ մասնագետների շրջանում միկրոէլեկտրոնիկայի բնագավառում գիտելիքների մակարդակը եւ միկրոէլեկտրոնիկայի ոլորտի երիտասարդ մասնագետների համայնք ստեղծել: Օլիմպիադային կարող են մասնակցել մինչեւ 30 տարեկան ավագ դպրոցների եւ բարձրագույն ուսումնական հաստատությունների ուսանողներ եւ միկրոէլեկտրոնիկայի ոլորտի ընկերութունների մասնագետներ: «Իր գոյության վեցերորդ տարում Միկրոէլեկտրոնիկայի միջազգային օլիմպիադան ազդեցիկ ուժ է ձեռք բերել: Երկու տարի առաջ օլիմպիադան միջազգային դառնալու առաջին երերուն քայլերն արեց` Ռուսաստանից եւ Ուկրաինայից ուսանողների մասնակցությամբ: Անցյալ տարի ուսանողներ մասնակցեցին աշխարհի հինգ երկրներից: Այս տարի մենք նախատեսում ենք գրեթե կրկնապատկել այդ թիվը` ուսանողներ ներգրավելով երեք մայրցամաքներից, ովքեր Հայաստան կժամանեն Կալիֆորնիայի պես հեռավոր շրջաններից: Մեր հրաշալի գործընկեր ՎիվաՍել-ՄՏՍ-ի առատաձեռն հովանավորության շնորհիվ օլիմպիադային մասնակցելու համար Երեւան ժամանելու հրավերքը բավական գրավիչ առաջարկ է դառնում եւ օլիմպիադան աշխարհում ոլորտի աննախադեպ միջոցառման է վերածում: Օլիմպիադան հնարավորություն է ընձեռում ցույց տալ Հայաստանի զարգացող դերը որպես միկրոէլեկտրոնիկայի տարածաշրջանային կենտրոն եւ Հայաստանի համար հզոր հիմք է հանդիսանում ողջ աշխարհում արժեքավոր համագործակցություններ ստեղծելու ճանապարհին: Վստահ եմ, որ օլիմպիադայի շրջանակներում ստեղծված համագործակցությունը կփոխհատուցի ի նպաստ Հայաստանի կազմակերպիչների ներդրած ջանքերն աննախադեպ եւ չկանխորոշված ձեւով: Մենք անհամբեր սպասում ենք հյուրընկալել եւ մրցել աշխարհի տարբեր երկրներից ժամանած էլեկտրոնիկայի ոլորտի երիտասարդ պայծառ ճարտարագետների հետ հոկտեմբերին, Երեւանում, Հայաստանում Սինոփսիսի շաբաթ 2011-ի ընթացքում»,-ասաց Օլիմպիադայի կազմկոմիտեի նախագահ, Սինոփսիս Արմենիայի գլխավոր գործադիր տնօրեն եւ Սինոփսիսի կորպորատիվ մարքեթինգի գծով փոխնախագահ Ռիչ Գոլդմանը: «Կրթությունը կանխորոշում է երկրի ապագան: Հատկապես երբ այն առանցքային դեր է խաղում երկրի համեմատական առավելությունը խթանելու տեսանկյունից: Առողջ մրցակցությունը ՏՏ ոլորտի ուսանողների միջեւ անհրաժեշտ պայման է ստեղծագործականության համար. սա մի ոլորտ է, որում հաղթում է ոչ թե ֆիզիկական ուժը, այլ` մտքի փայլը: Այդուհանդերձ, ստեղածագործականությունը դեռ բավարար պայման չէ: Այսօրինակ նախաձեռնություններն պետք է հնարավորինս համակողմանի քաջալերել: Որպես Հայասատանի առաաջատար բջջային օպերատոր եւ կորպորատիվ քաղաքացի, ՎիվաՍել-ՄՏՍ-ը կարեւորում է ցանկացած նախաձեռնություն` ուղղված ստեղծագործականության զարգացմանը: Այստեղ ենք մենք տեսնում մեր առաքելությունը աջակցողի դերում: Զարգանում են այն երկրները, որտեղ գնահատվում է խելացի, տաղանդավոր սերունդը: Հաջողություն ենք մաղթում մրցույթի մասնակիցներին, հատկապես` մեր հայրենակիցներին` վստահ լինելով, որ նրանք իրենց ընձեռած հնարավորությունը կպսակեն հաղթանակով»,-ասաց ՎիվաՍել-ՄՏՍ-ի գլխավոր տնօրեն Ռալֆ Յիրիկյանը: Այս տարի օլիմպիադային մասնակցության ցանկություն են հայտնել Հայաստանի, Հնդկաստանի, Հորդանանի, Ռուսաստանի, Սերբիայի, Ուկրաինայի, ԱՄՆ-ի եւ այլ երկրների ներկայացուցիչներ: Միկրոէլեկտրոնիկայի հայաստանյան ամենամյա միջազգային վեցերորդ օլիմպիադան անցկացվելու է երկու փուլով: Առաջին փուլը՝ ստուգարքի ձեւով, տեղի կունենա 2011թ. սեպտեմբերին` մասնակից բոլոր երկրներում միաժամանակ: Վերջնական փուլում կմրցեն բոլոր երկրների լավագույն մասնակիցները: Այն տեղի կունենա Հայաստանում, հոկտեմբերին, Սինոփսիսի շաբաթը Հայաստանում 2011 միջոցառումների ընթացքում: Մրցույթը կներառի ինքնատիպ լուծումներ պահանջող ճարտարագիտական խնդիրներ: Օլիմպիադայի թեմաներն են՝ թվային ինտեգրալ սխեմաների նախագծում եւ թեստավորում, անալոգային եւ խառը ազդանշանային ինտեգրալ սխեմաների նախագծում եւ թեստավորում, կիսահաղորդչային սարքեր եւ տեխնոլոգիա եւ ինտեգրալ սխեմաների ավտոմատացված նախագծման մաթեմատիկական եւ ալգորիթմական ապահովում: Առաջին կարգի մրցանակը նոութբուք է, երկրորդը՝ 300,000 դրամ (շուրջ 800 դոլար), երրորդը՝ 150,000 դրամ (շուրջ 400 դոլար): Նախատեսված են նաեւ հատուկ մրցանակներ լավագույն ճարտարագիտական լուծման, ամենաստեղծագործական լուծման, ամենայուրօրինակ լուծման եւ մասնակից յուրաքանչյուր երկրից լավագույն արդյունք ցուցաբերելու համար: Օլիմպիադայի բոլոր մասնակցիները կստանան մասնակցության վկայականներ: Միկրոէլեկտրոնիկայի հայաստանյան առաջին օլիմպիադան անցկացվել է 2006թ. սեպտեմբերի 22-26-ը: Առաջին փուլին մասնացել է 82 հոգի, որոնցից 32-ն անցել է երկրորդ փուլ: Միկրոէլեկտրոնիկայի հայաստանյան ամենամյա երկրորդ օլիմպիադան անցկացվել է 2007թ. սեպտեմբերի 18-26-ը: Առաջին փուլի 118 մասնակիցներից երկրորդ փուլ է անցել 48-ը: Միկրոէլեկտրոնիկայի հայաստանյան ամենամյա երրորդ օլիմպիադան անցկացվել է 2008թ. սեպտեմբերի 16-25-ը: Առաջին փուլի 115 մասնակցից (որոնցից 15-ը Գյումրիից էր) 32-ը անցավ երկրորդ փուլ: Միկրոէլեկտրոնիկայի հայաստանյան ամենամյա չորրորդ օլիմպիադան անցկացվեց 2009թ. սեպտեմբերի 4-30-ը: Առաջին փուլի 118 մասնակցից (որոնցից 10-ը Ռուսաստանից, 27-ը Ուկրաինայից եւ 11-ը Գյումրիից) 47-ն անցավ երկրորդ փուլ: Միկրոէլեկտրոնիկայի հայաստանյան ամենամյա միջազգային հինգերորդ օլիմպիադան անցկացվել է 2010թ. հոկտեմբերի 4-29-ը: Առաջին փուլի ավելի քան 200 մասնակիցներից 132-ը հայաստանյան բուհերի ուսանողներ էին: Մյուս մասնակիցները ներկայացնում էին Հայաստանից դուրս գտնվող հետեւյալ բուհերը՝ Մոսկվայի էլեկտրոնային տեխնիկայի ինստիտուտ, Սանկտ-Պետերբուրգի էլեկտրատեխնիկական համալսարան, Ինֆորմացիոն տեխնոլոգիաների, մեխանիկայի եւ օպտիկայի Սանկտ-Պետերբուրգի պետական համալսարան, Խարկովի ռադիոէլեկտրոնիկայի ազգային համալսարան, Հորդանանի գիտության եւ տեխնոլոգիայի համալսարան, Արքայադուստր Սումայայի տեխնոլոգիական համալսարան, Նիսի համալսարան եւ Սերբիայի համալսարան: Լավագույն արդյունք ցուցաբերած 50 ուսանող անցավ երկրորդ փուլ:

---