ԵՐԵՎԱՆ, 27 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 26-ին Բանգկոկում ավարտվեց ձյուդոյի աշխարհի երիտասարդական առաջնությունը: Հայաստանի ներկայացուցիչ Արտյոմ Բաղդասարյանը (73 կգ, Գյումրի) նույնպես տանուլ տվեց առաջին գոտեմարտը, զրկվեց պայքարը շարունակելու իրավունքից եւ անմասն մնաց խաղարկված պարգեւներից: Հիշեցնենք, որ մինչ այդ մեկնարկային փուլում անհաջողության էր մատնվել նաեւ Գոռ Խորոտյանը (100 կգ, Երեւան):

---