ԵՎՐՈՊԱՅԻ ՇԱԽՄԱՏԻ ԱԿՈՒՄԲԱՅԻՆ ԱՌԱՋՆՈՒԹՅԱՆ ՄԱՍՆԱԿԻՑ ՀԱՅԱՍՏԱՆԻ
4 ԹԻՄԵՐԻՑ ՈՉ ՄԵԿԸ ՄՐՑԱՆԱԿԱԿԻՐ ՉԴԱՐՁԱՎ
24-10-2008 13:42:00 | Հունաստան | Սպորտ
ԿԱԼԻԵՏԱ, 24 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հունաստանի Կալիտեա
քաղաքում հոկտեմբերի 23-ին ավարտվեցին Եվրոպայի շախմատի կանանց եւ
տղամարդկանց ակումբային առաջնությունները: Վերջին` 7-րդ, փուլում
Հայաստանի տղամարդկանց «Միկան» 3,5:2,5 հաշվով հաղթեց Իսրայելի
«Բերշեբային», «Բանկային արքա»-ն նույն հաշվով` Գերմանիայի «Վերդեր
Բրեմեն»-ին, իսկ ՖԻՄԱ-ն` 5:1 հաշվով` Մակեդոնիայի «Գամբիդ
Պեկսիմ»-ին:
Տղամարդկանց 62 ակումբների պայքարում 12 միավորով հաղթողի
կոչմանն արժանացավ Ռուսաստանի «Ուրալը»: «Բանկային արքա»-ն եւ
«Միկան» 10-ական միավորով գրավեցին, համապատասխանաբար, 7-րդ եւ
12-րդ տեղերը (գործակիցների տարբերությամբ): ՖԻՄԱ-ն 8 միավորով
20-րդն է:
Կանանց մրցաշարի վերջին փուլում Հայաստանի «Միկան» 3:1 հաշվով
առավելության հասավ Ռուսաստանի «Ֆինեկի» նկատմամբ եւ վաստակելով 9
միավոր 19 թիմերի մեջ զբաղեցրեց 5-րդ տեղը: Իսկ առաջնության հաղթող
ճանաչվեց Մոնակոյի «Մոնտե Կառլո»-ն` 12 միավորով: