Ճապոնիայի մարտի 11-ի աղետալի երկրաշարժի զոհերի թիվը երկրի 12 պրեֆեկտուրաների տվյալներով հասել է 15 489-ի, անհայտ կորածների թիվը կազմում է 7385: Ուսումնասիրվում է նրանց մահացած ճանաչելու հնարավորությունը: Համաձայն ուրբաթ օրը Ճապոնիայի կառավարության տարածած տեղեկությունների` ավերված շրջանների վերականգնման համար պահանջվում է 17 տրիլիոն իեն ( 210 մլրդ դոլար): Սակայն տվյալ թիվը վերջնական չէ, քանի որ այն չի ներառում «Ֆուկուսիմա-1» ատոմակայանի վթարի պատճառած վնասները:

---