ՌՈՒՍԱՍՏԱՆԸ ՀՆԱՐԱՎՈՐ Է ԴԱԴԱՐԵՑՆԻ ԵԱՀԿ/ԺՀՄԻԳ-Ի ՖԻՆԱՆՍԱՎՈՐՈՒՄԸ
24-07-2008 19:25:00 | Ռուսաստան | Միջազգային
ՄՈՍԿՎԱ, 24 ՀՈՒԼԻՍԻ, ՆՈՅՅԱՆ ՏԱՊԱՆ: Ռուսաստանը հնարավոր է
կրճատի կամ բոլորովին հրաժարվի ֆինանսավորել ԵԱՀԿ-ին առընթեր
Ժողովրդավարական հաստատությունների եւ մարդու իրավունքների
գրասենյակը, եթե այդ կազմակերպությունը մերժի ռուսական կողմի
առաջարկած միջազգային դիտարկման սկզբունքները: Այս մասին, ինչպես
հաղորդում է «Ինտերֆաքսը», հայտարարել է ՌԴ ԿԸՀ ներկայացուցիչ Իգոր
Բորիսովը:
«Մենք չպետք է դուրս գանք միջազգային կազմակերպություններից,
որ զբաղվում են ժողովրդավարության, այդ թվում` միջազգային
դիտարկման հարցերով: Ֆինանսավորման հարցերը մեր (ԿԸՀ)
իրավասությունը չեն, բայց եթե կազմակերպությունը չի նպաստում, այլ
արգելակում է ժողովրդավարական գործընթացների զարգացումը, ի՞նչ
կարիք կա ֆինանսավորելու այն»,- Իգոր Բորիսովը: