ՓԱՐԻԶ, 22 ՀՈՒԼԻՍԻ, ՆՈՅՅԱՆ ՏԱՊԱՆ: Բոսնիացի սերբերի նախկին առաջնորդ Ռադովան Կարաջիչի ձերբակալությունը «Սերբիային մոտեցնում է Եվրամիությանը»: Այս մասին նշվում է Ֆրանսիայի նախագահ Նիկոլա Սարկոզիի պաշտոնական հայտարարության մեջ: «Այդ երկար սպասված ձերբակալությունը վկայում է Եվրոպական միությանը մերձենալու Բելգրադի նոր կառավարության ցանկության մասին»,- հայտարարել է Ֆրանսիայի ղեկավարը` ընդգծելով, որ Կարաջիչի ձերբակալությունը «խաղաղություն եւ կայունություն է տանում Բալկաններ»:

---