ՏՈՅԱԿՈ, 9 ՀՈՒԼԻՍԻ, ՆՈՅՅԱՆ ՏԱՊԱՆ: Չնայած միջուկային ծրագրի ապամոնտաժմանն ուղղված Հյուսիսային Կորեայի վերջին քայլերին, Ճապոնիան չի պատրաստվում անհապաղ վերացնել նրա դեմ պատժամիջոցները: Այս մասին ՉԺՀ նախագահ Խու Ցզինտաոյի հետ հանդիպման ժամանակ հայտարարել է Ճապոնիայի վարչապետ Յասուո Ֆուկուդան: Հանդիպումը կայացել է Հոկայդո կղզու Տոյակո քաղաքում, որտեղ այսօր ավարտվել է «մեծ ութնյակի» գագաթնաժողովը: Ըստ Ֆուկուդայի, Փհենյանը չի կատարել անցած դարի 70-80-ական թվականներին հյուսիսկորեական հատուկ ծառայությունների կողմից ճապոնացիների առեւանգման փաստերը նորից հետաքննելու խոստումը: Տոկիոն այդ հարցի լուծումը համարում է երկկողմ հարաբերությունների նորմալացման գլխավոր նախապայման:

---