ՊՐԱՀԱ, 9 ՀՈՒԼԻՍԻ, ՆՈՅՅԱՆ ՏԱՊԱՆ: Պրահայի կենտրոնում տեղի է ունեցել բողոքի ակցիա չեխական տարածքում ԱՄՆ-ի ՀՀՊ ռադիոտեղորոշման կայանի տեղակայման դեմ: Բողոքի ակցիան կազմակերպել է «Ոչ ռազմաբազաներին» քաղաքացիական նախաձեռնությունը եւ արժանացել խորհրդարանական ընդդիմության կուսակցությունների աջակցությանը: Ցուցարարների թվում եղել են խորհրդարանի պատգամավորներ եւ ընդդիմադիր քաղաքական գործիչներ: Ակցիայի մասնակիցները իշխանություններից պահանջել են հարգել քաղաքացիների մեծամասնության կամքը: Բնակչության վերջին հարցումների համաձայն, չեխերի երեք քառորդը դեմ է ՌՏԿ-ի տեղակայմանը:

---