ՄՈՍԿՎԱ, 7 ՀՈՒԼԻՍԻ, ՆՈՅՅԱՆ ՏԱՊԱՆ: Մոսկվայում 83 տարեկան
հասակում երկարատեւ հիվանդությունից հետո վախճանվել է ԽՍՀՄ
ժողովրդական արտիստուհի Նոննա Մորդյուկովան:
Մորդյուկովան խաղացել է 60 ֆիլմերում, այդ թվում` «Հասարակ
պատմություն», «Կռունկ», «Կոմիսարը», «Բալզամինովի
ամուսնությունը», «Կայարան երկուսի համար», «Ռուսական դաշտ»,
«Ադամանդե ձեռք», «Մայրիկ» եւ այլն, եւ դարձել խորհրդային կինոյի
լեգենդը:
ՌԴ նախագահ Դմիտրի Մեդվեդեւը եւ վարչապետ Վլադիմիր Պուտինը
խոր ցավակցություն են հայտնել դերասանուհու հարազատներին եւ
մերձավորներին: