ԼՈՆԴՈՆ, 25 ՀՈՒՆԻՍԻ, ՆՈՅՅԱՆ ՏԱՊԱՆ: Լոնդոնի Քրիստիի հայտնի առեւտրական տան աճուրդում ֆրանսիացի իմպրեսիոնիստ Կլոդ Մոնեի նկարների վաճառքի բացարձակ ռեկորդ է սահմանվել: «Արհեստական լճակ` ջրաշուշաններով» կտավը աճուրդով վաճառվել է 40,9 մլն ֆունտով (ավելի քան 80 մլն դոլար): Նրա նախնական գինը եղել է 24 մլն ֆունտ (48 մլն դոլար): Ինչպես հաղորդում է ԻՏԱՌ-ՏԱՍՍ-ը, նշանավոր նկարչի գլուխգործոցի գնորդի անունը չի հրապարակվում:

---