ՄՈԳԱԴԻՇՈ, 26 ՄԱՐՏԻ, ՆՈՅՅԱՆ ՏԱՊԱՆ: Սոմալիում կառավարական զորքերի հետ մարտերի ընթացքում իսլամիստները այսօր առավոտյան գրավել են Ջոուխար քաղաքը, որ գտնվում է մայրաքաղաք Մոգադիշոյից հյուսիս: Տեղեկությունների համաձայն, սպանվել է յոթ զինվոր: Զինյալների ջոկատները ընդլայնում են անցումային կառավարության եւ նրա եթովպիական դաշնակիցների դեմ զինված գործողությունների շրջանները: Նախկինում նրանց դիմադրության կենտրոնը մայրաքաղաք Մոգադիշոն էր: Մարտական գործողությունների ժամանակ մեկ տարվա ընթացքում Սոմալիում 6 հազարից ավելի մարդ է զոհվել:

---