ՆՅՈՒ ՅՈՐՔ, 18 ՄԱՐՏԻ, ՆՈՅՅԱՆ ՏԱՊԱՆ: ՄԱԿ-ի գլխավոր քարտուղար Պան Գի Մունը կոչ է անում վերջ տալ այնպիսի հասկացության, ինչպիսին «իսլամատյացությունն» է, որ անվստահություն եւ բացասական վերաբերմունք է արտահայտում ողջ մուսուլմանական աշխարհին, հաղորդում է «Վզգլյադ» թերթը: «Այնպիսի անհաջող բառ, ինչպիսին իսլամատյացությունն է, մենք իսկապես պետք է արմատախիլ անենք, մենք պետք է հնարավոր ամեն բան անենք, որպեսզի կտրենք անհաջող եւ բացասական կապը այնպիսի հասկացությունների միջեւ, ինչպիսին են իսլամատյացությունն ու մուսուլմանական աշխարհը»,- ՄԱԿ-ի կենտրոնակայանում լրագրողներին ասել է Պան Գի Մունը: Պան Գի Մունը մասնակցել է Իսլամական համաժողով կազմակերպության գագաթնաժողովին, որ անցած շաբաթ կայացել է Սենեգալում` քննարկելով նաեւ Արեւմուտքում մուսուլմանական պետությունների աճող բացասական վարկի խնդիրը:

---