ՀՀ ԱԺ-Ն ՀԱՍՏԱՏԵՑ ՎԵՐԱՀՍԿԻՉ ՊԱԼԱՏԻ 2008 Թ.-Ի ԳՈՐԾՈՒՆԵՈՒԹՅԱՆԾՐԱԳԻՐԸ
05-02-2008 19:00:00 | Հայաստան | Տնտեսություն
ԵՐԵՎԱՆ, 5 ՓԵՏՐՎԱՐԻ, ՆՈՅՅԱՆ ՏԱՊԱՆ: ՀՀ Ազգային Ժողովը
փետրվարի 5-ին հաստատեց ՀՀ Վերահսկիչ պալատի 2008թ. գործունեության
ծրագիրը: Ինչպես նշեց ՎՊ-ի նախագահ Իշխան Զաքարյանը, վերջերս
վերակազմավորված ՎՊ-ի ծրագիրը առաջին անգամ է ներկայացվում է նոր
օրենքին համապատասխան:
Այն, մասնավորապես, ներառում է վերահսկողություն մի շարք
բնագավառներում պետբյուջեից եւ օտարերկրյա պետությունների ու
միջազգային ֆինանսական կազմակերպությունների կողմից հատկացված
միջոցների օգտագործման նմատմամբ: Այդ թվում վերահսկողություն է
իրականացվելու մի շարք գերատեսչություններում, ներառյալ ՀՀ
կառավարությանն առընթեր ոստիկանությունում, նաեւ «Հայաստանի
հանրային հեռուստաընկերություն» ՓԲԸ-ում պետպատվերի եւ ծրագրերի
կատարման նպատակով պետբյուջեից հատկացված միջոցների օգտագործման,
բյուջետային մուտքերի ապահովման, ինչպես նաեւ պետական
սեփականության կառավարման եւ օգտագործման վերահսկողություն: Ծրագրի
շրջանակներում ՎՊ-ն նախատեսում է նաեւ վերահսկողություն
իրականացնել երեք մարզերի եւ Երեւան քաղաքի երեք համայնքների
կողմից բյուջետային միջոցների օգտագործման, համայնքային բյուջեների
մուտքերի ապահովման եւ համայնքային սեփականության կառավարման ու
օգտագործման նկատմամբ: Վերահսկողություն կիրականացվի նաեւ Երեւանի
քաղաքապետարանի կողմից անշարժ գույքի կառավարման եւ օգտագործման
նկատմամբ: