ԹԵԼ ԱՎԻՎ, 4 ՓԵՏՐՎԱՐԻ, ՆՈՅՅԱՆ ՏԱՊԱՆ: Իսրայելի հարավում` Դիմոնա քաղաքում, փետրվարի 4-ին տեղի ունեցած պայթյունի հետեւանքով առնվազն երեք մարդ է զոհվել: Եվս հինգ մարդ վիրավորվել է: Ինչպես հայտնել են փրկարարական ծառայությունում, ենթադրաբար պայթյունի պատճառը, որ տեղի է ունեցել առեւտրի կենտրոնում, կարող էր լինել մահապարտ ահաբեկիչ: Ավելի ուշ ոստիկանության մամուլի քարտուղարը հաստատել է այս տեղեկատվությունը: Ինչպես հաղորդում են իսրայելական ԶԼՄ-ները, ահաբեկությանը մասնակցել են երկու մահապարտ ահաբեկիչներ, սակայն երկրորդ ռումբը, նախնական տվյալներով, չի գործել: Ոստիկանությունում իրենց հերթին պատմել են, որ ահաբեկիչներից մեկը վնասազերծվել է ոստիկանի կողմից մինչեւ ռումբի պայթելը:

---