ԲՐՅՈՒՍԵԼ, 23 ՀՈՒՆՎԱՐԻ, ՆՈՅՅԱՆ ՏԱՊԱՆ: ՆԱՏՕ-ի գլխավոր քարտուղար Յաապ դե Հոոպ Սխեֆֆերը Ռուսաստանի ղեկավարությանն առաջարկել է ՆԱՏՕ-ի գագաթնաժողովի շրջանակում ապրիլի սկզբին Բուխարեստում անցկացնել Ռուսաստան-ՆԱՏՕ խորհրդի նիստ պետությունների եւ կառավարությունների ղեկավարների մակարդակով: Այս մասին, ինչպես հաղորդում է «Նովոստի» գործակալությունը, հայտնել է ՆԱՏՕ-ի պաշտոնական ներկայացուցիչ Ջեյմս Ապպատուրայը: «Ես տեղեկություններ ունեմ, որ Մոսկվայում արդեն ստացել են առաջարկությունը պարունակող նամակը»,- ասել է նա: Ապպատուրայը ճշտել է, որ ուղերձը փոխանցվել է ՆԱՏՕ-ին առընթեր Ռուսաստանի մշտական ներկայացուցչության միջոցով:

---