ԿՀՎ-Ն ՀԱՍՏԱՏԵԼ Է «ԱԼ-ՔԱԻԴԱՅԻ» ՄԵՂՍԱԿՑՈՒԹՅՈՒՆԸ ԲՀՈՒՏՏՈՅԻ
ՍՊԱՆՈՒԹՅԱՆԸ
18-01-2008 21:10:00 | ԱՄՆ | Միջազգային
ՎԱՇԻՆԳՏՈՆ, 18 ՀՈՒՆՎԱՐԻ, ՆՈՅՅԱՆ ՏԱՊԱՆ: «Ալ-Քաիդա»
ահաբեկչական խմբավորման անդամները եւ պակիստանյան ցեղապետ
Բայտուլլահ Մեհսուդի դաշինակիցներն են պատասխանատու պակիստանյան
ընդդիմության առաջնորդ Բենազիր Բհուտտոյի սպանության եւ երկրի
կայունությունը խարխլել սպառնացող անկարգությունների համար: Այս
մասին «Վաշինգտոն փոստ» թերթի հարցազրույցում հայտարարել է ԿՀՎ
ղեկավար Մայքլ Հայդենը:
Պատմելով ԱՄՆ-ի հատուկ ծառայությունների կողմից Բհուտտոյի
սպանության հետաքննության մասին` Հայդենը նշել է, որ նա սպանվել է
Մեհսուդի հետ կապված գրոհայինների կողմից: Դրանից բացի,
սպանությանը հանցակից կարող էին լինել «Ալ-Քաիդայի» գրոհայինները:
Հայդենը նաեւ նշել է, որ այդ գրոհայինները սպառնում են երկրի
նախագահ Փերվեզ Մուշարրաֆին: