ԱՄՆ-Ի ԿՈՆԳՐԵՍԻ ՆԵՐԿԱՅԱՑՈՒՑԻՉՆԵՐԻ ՊԱԼԱՏԸ ՊԱՀԱՆՋՈՒՄ Է ՄԻՆՉԵՎ
2008 ԹՎԱԿԱՆԻ ԴԵԿՏԵՄԲԵՐ ԶՈՐՔԵՐԸ ԴՈՒՐՍ ԲԵՐԵԼ ԻՐԱՔԻՑ
15-11-2007 16:45:00 | ԱՄՆ | Միջազգային
ՎԱՇԻՆԳՏՈՆ, 15 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ԱՄՆ-ի Կոնգրեսի
Ներկայացուցիչների պալատը նոյեմբերի 14-ին ընդունել է Իրաքում եւ
Աֆղանստանում ռազմական գործողությունների համար լրացուցիչ 50 մլրդ.
դոլարի հատկացում նախատեսող օրինագիծը: Այս փաստաթուղթը, որի օգտին
քվեարկել են 218 կոնգրեսականներ, պահանջում է նաեւ սկսել Իրաքից
զորքերի դուրսբերումը նրա ուժի մեջ մտնելու պահից 30 օրվա
ընթացքում` այդ գործընթացը մինչեւ 2008 թվականի դեկտեմբերի կեսը
ավարտելու վերջնական նպատակով:
Սակայն տվյալ դրույթը, ինչպես սպասվում էր, կտրուկ բողոքով է
ընդունվել Սպիտակ տան կողմից: Ինչպես լրագրողներին դեռ մինչեւ
քվեարկությունը հայտարարել է Սպիտակ տան մամլո քարտուղար Դանա
Պերինոն, եթե օրինագիծը նման տեսքով ներկայացվի նախագահի
ստորագրության, նա վետո կդնի դրա վրա: