ԱՄԵՐԻԿՅԱՆ ՕՐԵՆՍԴԻՐՆԵՐԸ ՀՐԱԺԱՐՎԵԼ ԵՆ ՓՈՂ ՀԱՏԿԱՑՆԵԼ
ԼԵՀԱՍՏԱՆՈՒՄ ՀՀՊ ԲԱԶԱՅԻ ԿԱՌՈՒՑՄԱՆ ՀԱՄԱՐ
07-11-2007 16:49:00 | ԱՄՆ | Միջազգային
ՎԱՇԻՆԳՏՈՆ, 7 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ամերիկացի
օրենսդիրները հրաժարվել են 2008թ. ֆինանսական տարում միջոցներ
հատկացնել Լեհաստանում հակահրթիռային պաշտպանության բազայի
շինարարությունն սկսելու համար: Այս մասին լրագրողներին հայտնել է
կոնգրեսական Ջոն Մերտան Պենտագոնի 2008թ. ֆինանսական տարվա բյուջեի
օրինագծի փոխզիջումային տարբերակի մշակման Կոնգրեսի երկու
պալատների համաձայնեցման հանձնաժողովի նիստի ավարտից հետո: Մերտան
գլխավորում է Ներկայացուցիչների պալատի հատկացումների կոմիտեի
ռազմական ծախսերը վերահսկող ենթակոմիտեն:
Այժմ ամփոփիչ փաստաթուղթը դրվելու է քվեարկության Սենատում եւ
Ներկայացուցիչների պալատում:
Բուշի վարչակազմը մտադիր է 10 կալանիչ-հրթիռներ տեղակայել
Լեհաստանում եւ ՀՀՊ ռադար` Չեխիայում, այդ նպատակով ծախսելով 3,5
միլիար դոլար: