ՏՈԿԻՈ, 25 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ճապոնիայի կառավարող
Լիբերալ-դեմոկրատական կուսակցության նախագահ Յասուո Ֆուկուդան
սեպտեմբերի 25-ին ընտրվել է երկրի վարչապետի պաշտոնում: Նրա օգտին
են քվեարկել խորհրդարանի ստորին պալատի պատգամավորների մեծ մասը,
որտեղ գերակշռում են լիբերալ-դեմոկրատները եւ նրանց դաշնակից
պատգամավորները «Կոմեյտո» ցենտրիստական կուսակցությունից:
Վարչապետի ընտրության ժամանակ խորհրդարանի ստորին պալատը
առավելություն ունի վերին պալատի նկատմամբ:
Սպասվում է, որ օրվա ընթացքում վարչապետը կհայտարարի իր
կառավարության կազմի մասին:
Հիշեցնենք, որ Ճապոնիայի նախկին վարչապետ 53-ամյա Սինձո Աբեն
հրաժարական էր տվել սեպտեմբերի 12-ին, որից հետո հյուծվածության
ախտանիշներով տեղափոխվել էր հիվանդանոց: Աբեն ճապոնական
կառավարությունը գլխավորում էր 2006 թվականի սեպտեմբերի 26-ից: