ՊԵՆՏԱԳՈՆԸ ԻՐԱՆԻՆ ՄԵՂԱԴՐՈՒՄ Է ԻՐԱՔՑԻ ԳՐՈՀԱՅԻՆՆԵՐԻՆ
ԺԱՄԱՆԱԿԱԿԻՑ ԶԵՆՔ ՄԱՏԱԿԱՐԱՐԵԼՈՒ ՄԵՋ
24-09-2007 19:33:00 | ԱՄՆ | Միջազգային
ՎԱՇԻՆԳՏՈՆ, 24 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Իրանը զենք է
մատակարարում իրաքյան գրոհայիններին, ներառյալ շարժական
զենիթահրթիռային համալիրներ եւ հակատանկային նռնականետներ: Այս
մասին հայտարարել է Բաղդադի ամերիկյան հրամանատարության պաշտոնական
ներկայացուցիչ, դերծովակալ Մարկ Ֆոքսը:
Ըստ նրա, ամերիկյան զինծառայողները Իրաքում իրականացվող
գործողությունների ժամանակ շարունակում են գտնել շարժական
զինթահրթիռային համալիրներ, ինքնաուղղորդվող ինֆրակարմիր
մարտագլխիկով հանդերձված հրթիռներով, արդիականացված նռնականետներ,
ինչպես նաեւ 240-միլիմետրանոց չկառավարվող ռեակտիվ արկեր:
Թեհրանը համառորեն մերժում է նման բնույթի մեղադրանքները: