ԱՌԱՋԻԿԱ ԵՐԿՈՒ ՏԱՐՈՒՄ ԴԻԼԻՋԱՆԻ ՄԵՐՁԱԿԱՅՔՈՒՄ ԿԿԱՌՈՒՑՎԻ
ԵՐԻՏԱՍԱՐԴԱԿԱՆ ՃԱՄԲԱՐ
24-09-2007 18:40:00 | Հայաստան | Հասարակություն
ԵՐԵՎԱՆ, 24 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Առաջիկա երկու տարվա
ընթացքում Դիլիջանի մերձակայքում կկառուցվի երիտասարդական ճամբար:
Ըստ ռուսաստանյան «Տրոյկա Դիալոգ» հոլդինգի հիմնադիր եւ նախագահ
Ռուբեն Վարդանյանի, ճամբարի շինարարության նախագիծը մշակվել է
«Հայաստան - 2020» ծրագրի շրջանակներում: Ծրագրի իրականացմանը
մասնակցում է նաեւ «Ամերիա» խորհրդատվական եւ աուդիտորական
ընկերության տնօրեն Անդրեյ Մկրտչյանը:
Լ.Վարդանյանի խոսքերով, ծրագրի շրջանակներում ստեղծվել է
«Երեւան» ամսագիրը, Մոսկվայում կանգնեցվել է դուդուկին նվիրված
արձանը, հայերեն հրատարակվում են համաշխարհային գրականության
լավագույն գործերը, ռուսերեն եւ այլ լեզուներով` հայ գրականության
վարպետների գործերը:
«Այդ ամենը շատ կարեւոր է այն միջավայրի ստեղծման համար, որը
հատկապես հայ եւ այլազգի երիտասարդներին կընձեռի Հայաստանի մասին
ավելին իմանալու հնարավորություն»,- գտնում է Ռ.Վարդանյանը: