ՍԵՊՏԵՄԲԵՐԻ 22-ԻՆ ԵՐԵՎԱՆՈՒՄ ԿՆՇՎԻ ԱՐԿԱԴԻ ԱՆԴՐԵԱՍՅԱՆԻ ԾՆՆԴՅԱՆ
60-ԱՄՅԱԿԸ
20-09-2007 11:30:00 | Հայաստան | Սպորտ
ԵՐԵՎԱՆ, 20 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 22-ին
Երեւանի «Հանրապետական» մարզադաշտում տեղի կունենա հանդիսություն`
նվիրված Խորհրդային Միության ֆուտբոլի հանրահայտ վարպետներից մեկի,
ԽՍՀՄ չեմպիոն եւ կրկնակի արծաթե մեդալակիր, ԽՍՀՄ կրկնակի
գավաթակիր, օլիմպիական խաղերի բրոնզե մեդալակիր Արկադի Անդրեասյանի
ծննդյան 60-ամյակին: Միջոցառման նախաձեռնողն ու կազմակերպիչը
«Միկա» մարզական ակումբն է: Նախատեսված են 15-ական րոպե
տեւողությամբ «Միկա»-«Արարատ-73» եւ «Միկա»-ԽՍՀՄ հավաքական թիմերի
հանդիպումներ: Հրավիրված են Ռուսաստանի, Ուկրաինայի, Վրաստանի եւ
նախկին միութենական այլ հանրապետությունների կաշվե գնդակի
հեղինակավոր վարպետներ: Նախատեսված է նաեւ համերգային ծրագիր: