ԴՐԱՄԱՏԻԿԱԿԱՆԸ ՆՈՐ ԹԱՏԵՐԱՇՐՋԱՆՈՒՄ ՀԱՆԴԻՍԱՏԵՍԻՆ ԿՆԵՐԿԱՅԱՆԱ ՄԻ
ՇԱՐՔ ՊՐԵՄԻԵՐԱՆԵՐՈՎ
19-09-2007 18:40:00 | Հայաստան | Մշակույթ
ԵՐԵՎԱՆ, 19 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հակոբ Պարոնյան
Կատակերգություն ըստ «Մեծապատիվ մուրացկանների» ներկայացմամբ
սեպտեմբերի 22-ին կմեկնարկի Հրաչյա Ղափլանյանի անվան դրամատիկական
թատրոնի հերթական թատերաշրջանը: Ներկայացումը նվիրվում է
դրամատիկցիների` ԱՄՆ-ում բնակվող գործընկերոջ` դերասան Լեւոն
Շարաֆյանի ծննդյան 60-ամյակին, ով արդեն Երեւանում է եւ կմասնակցի
ներկայացմանը: Այս մասին սեպտեմբերի 19-ին մամլո ասուլիսում
հայտնեց թատրոնի գեղարվեստական ղեկավար Արմեն Խանդիկյանը:
Ա.Խանդիկյանը նշեց, որ հայ թատրոնն այսօր դերասանի խնդիր
ունի: «Վերջին «ԱՐՄՄՈՆՈ» թատերական միջազգային փառատոնի դահլիճում
կհանդիպեիր ուսանողի, բարեկամի եւ ծանոթի, բայց ոչ` դերասանի:
Դերասանին իր բեմից զատ այլ բեմեր եւ ներկայացումներ հետաքրքիր
չեն»,- համոզված է Ա.Խանդիկյանը:
Ա.Խանդիկյանը հայտնեց նաեւ, որ ներկայումս ընթանում են
Ստանիսլավ Ստրատիեւի «Մաքսիմալիստը» պիեսի բեմադրության փորձերը.
պրեմիերան կկայանա հոկտեմբերի 13-ին: Բացի այդ, այս պահին
թատրոնում բեմադրության է պատրաստվում գրող-դրամատուրգ Գուրգեն
Խանջյանի «Ձայն լռության» կամ «6-րդ պատվիրան» պիեսը: