Աֆղանստանի Վարդակ նահանգի ոստիկանության ուսումնական կենտրոնում պայթյուն է տեղի ունեցել: Նախնական տվյալներով, տուժածներ չկան: Ինչպես հայտնում է տեղի հեռուստաալիքը, այդ պահին շենքում գտնվում էին Աֆղանստանի փոխնախագահ Կարիմ Խալիլին եւ Ներքին գործերի նախարար Բիսմիլլա Մոհամմադին: Միջադեպից անմիջապես հետո նրանք դուրս են եկել շենքից: Ենթադրվում է, որ հրթիռն արձակվել է հեռավոր տարածությունից եւ պայթել շենքի մոտակայքում:

---