ՄԱԿ-Ը ԵՎ ՀԱՄԱՇԽԱՐՀԱՅԻՆ ԲԱՆԿԸ ՄՏԱԴԻՐ ԵՆ ԺՈՂՈՎՈՒՐԴՆԵՐԻՆ
ՎԵՐԱԴԱՐՁՆԵԼ ՀԱՓՇՏԱԿՎԱԾ ՀԱՐՍՏՈՒԹՅՈՒՆՆԵՐԸ
17-09-2007 14:59:00 | ԱՄՆ | Միջազգային
ՆՅՈՒ ՅՈՐՔ, 17 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: ՄԱԿ-ը եւ
Համաշխարհային բանկը միասին մտադիր են ժողովուրդներին վերադարձնել
այն հարստությունները, որ հափշտակել են իրենց կոռումպացված
առաջնորդները:
Ինչպես հաղորդել է ՄԱԿ-ի մամլո ծառայությունը, սեպտեմբերի
17-ին ՄԱԿ-ի կենտրոնակայանում այս նախաձեռնությամբ հանդես կգան
կազմակերպության գլխավոր քարտուղար Պան Գի Մունը, ՄԱԿ-ի թմրադեղերի
եւ հանցավորության հարցերի գերագույն հանձնակատար Անտոնիո Մարիա
Կոստան եւ Համաշխարհային բանկի ղեկավար Ռոբերտ Ցելլիկը:
Նոր նախաձեռնությունը, որի մանրամասները առայժմ չեն
հրապարակվում, կոչվում է «Հափշտակված ակտիվների վերադարձում» եւ
կիրականացվի ՄԱԿ-ի Կոռուպցիայի դեմ կոնվենցիայի հիմնարար
սկզբունքների շրջանակում: