ԲՐԻՏԱՆԱՑԻ ԶԻՆՎՈՐԱԿԱՆՆԵՐԻ ՌԵՍՈՒՐՍՆԵՐԸ ՍՊԱՌՄԱՆ ԵԶՐԻՆ ԵՆ
ԳՏՆՎՈՒՄ
23-07-2007 20:20:00 | | Միջազգային
ԼՈՆԴՈՆ, 23 ՀՈՒԼԻՍԻ, ՆՈՅՅԱՆ ՏԱՊԱՆ: Բրիտանական բանակի
հրամանատարը նախազգուշացրել է, որ զինվորականների ռեսուրսները
գտնվում են եզրագծին: Գաղտնի փաստաթղթում, որ հայտնվել է «Դեյլի
թելեգրաֆ» թերթի տրամադրության տակ, գեներալ Ռիչարդ Դաննաթը դրա
պատճառը տեսնում է Աֆղանստանի եւ Իրաքի գործողություններին
բրիտանական զինվորականների մասնակցության մեջ: Ըստ գեներալի,
զինվորականները գրեթե ի վիճակի չեն արձագանքելու երկրի ներսում
իրադրության անսպասելի զարգացմանը կամ արտասահման արտակարգ
գործուղման անհրաժեշտությանը: Պաշտպանության նախարարության
ներկայացուցիչը խոստովանել է, որ զորքերին հարկ է լինում աշխատել
միանգամից մի քանի ճակատով, սակայն միեւնույն ժամանակ նա նշել է,
որ ներկա վիճակը վերահսկողությունից դուրս է եկել:
Ըստ որոշ գնահատումների, զինվորականների տրամադրության տակ կա
ընդամենը մեկ գումարտակ` մոտավորապես 500 մարդով, Մեծ Բրիտանիայի
ներսում ահաբեկչական հարձակման դեպքում օգտագործելու կամ
արտասահման ուղարկելու համար: Բի-բի-սիի պաշտպանության հարցերով
թղթակիցը նշում է, որ այդ զեկույցը եւս մի նախազգուշացում է
բրիտանական հրամանատարության կողմից, որ բանակը ի վիճակի չէ անորոշ
երկար ժամանակով պահպանել մարտական ակտիվությունը Իրաքում
եւ Աֆղանստանում: