ՎԱՇԻՆԳՏՈՆ, 6 ՀՈՒՆԻՍԻ, ՆՈՅՅԱՆ ՏԱՊԱՆ: ԱՄՆ փոխնախագահ Դիք Չեյնիի նախկին օգնական Լյուիս Լիբբին ամերիկյան դատարանի որոշմամբ դատապարտվել է 2,5 տարվա ազատազրկման: Մարտ ամսին դատարանը նրան մեղավոր էր ճանաչել Կենտրոնական հետախուզական վարչության (CIA) նախկին աշխատակցուհի Վալերի Պլեյմի գործի քննության ժամանակ կեղծ ցուցմունքներ տալու եւ արդարադատությանը խոչընդոտելու համար: Լյուիս Լիբբին պետք է վճարի նաեւ 250 հազար դոլարի տուգանք:

---